17-22 may tarixlərində Bakıda keçirilən WUF13 - Ümumdünya Şəhərsalma Forumunun 13-cü sessiyası bu gün başa çatdı.
"Global Media Group"a daxil olan media qurumları forum günləri ərzində tədbirin bütün əsas məqamlarını operativ şəkildə ictimaiyyətə çatdırdılar. Panel sessiyalarından canlı bağlantılar, xüsusi reportajlar, müsahibələr və gündəm mövzularının peşəkar təqdimatı WUF13-ün informasiya axınının effektiv şəkildə işıqlandırılmasına töhfə verdi.
Jurnalistlərimizin aktiv iştirakı forumun beynəlxalq əhəmiyyətinin və ölkəmizin qlobal platformadakı rolunun daha geniş auditoriyaya çatdırılmasında mühüm rol oynadı. Ümumdünya Şəhərsalma Forumu şəhərlərin gələcəyi, dayanıqlı inkişaf, urbanizasiya və insanyönümlü yanaşmalar ətrafında qlobal dialoqu bir araya gətirdi.
Dünyanın müxtəlif ölkələrindən nümayəndələrin iştirak etdiyi forum şəhərlərin daha yaşıl, inklüziv və dayanıqlı şəkildə inkişafı ilə bağlı mühüm mesajlarla yadda qaldı. Tədbirdə keçirilən panel müzakirələri, beynəlxalq görüşlər və forumun əsas çağırışları operativ, obyektiv və geniş şəkildə ictimaiyyətə təqdim olundu.
Bakının beynəlxalq platformadakı rolu müxtəlif media formatlarında işıqlandırıldı.
