Bakıda WUF13 çərçivəsində yeni bir beynəlxalq mükafat təsis ediləcəyi açıqlanıb.
Oxu.Az xəbər verir ki, bunu jurnalistlərə açıqlamasında Dövlət Şəhərsalma və Arxitektura Komitəsinin sədri, WUF13-ün milli koordinatoru Anar Quliyev deyib.
O bildirib ki, bundan sonra Bakı adına keçiriləcək hər Dünya Şəhərsalma Forumunda həmin mükafatın təqdimetmə mərasimi təşkil olunacaq.
“Bu dəfə nazirlərin iclası da ilk dəfə olaraq fərqli formatda keçiriləcək. Bir sıra yeniliklər var, gözləntilər böyükdür”, - deyə Quliyev vurğulayıb.
Bakı qonaqları qarşılayır, məhsuldar iş üçün platforma yaradır. Qonaqlar Bakı və Azərbaycanda görülən işlərlə tanış olacaq.
