Sabahdan Bakıda Ümumdünya Şəhərsalma Forumunun 13-cü sessiyası (WUF13) ilə əlaqədar müvəqqəti xüsusi hərəkət zolaqları fəaliyyətə başlayır.
Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) məlumatına görə, həmin yerlərdə “Ümumi istifadədə olan nəqliyyat vasitələri üçün zolaq” nişanları quraşdırılıb.
Mayın 15-dən etibarən bu nişanlarla işarələnən zolaqlar qüvvəyə minir. Xüsusi zolaqlar Heydər Əliyev prospekti, Aeroport şosesi, Abbasqulu ağa Bakıxanov, Yusif Səfərov, Mehdi Abbasov, Mikayıl Əliyev və Mikayıl Müşfiq küçələrini əhatə edir.
Qanunvericiliyə əsasən, bu zolaqlar avtobus zolaqları statusuna malikdir və qaydaları pozan sürücülərə cərimə tətbiq ediləcək. Tədbir bitdikdən sonra nişanlar yığışdırılacaq və bütün nəqliyyat vasitələri yenidən bu zolaqlardan istifadə edə biləcək.
