Bakının Şəfayət Mehdiyev küçəsində və Vaqif prospektində mikromobillik zolaqları təşkil edilib.
Oxu.Az xəbər verir ki, bu barədə Azərbaycan Yerüstü Nəqliyyat Agentliyi məlumat yayıb.
Bildirilib ki, Mətbuat prospektində daha öncə təşkil edilmiş zolaqlar Akim Abbasov küçəsi ilə kəsişməyə qədər uzadılıb. Ərazidə nişanlanma işləri aparılıb. Yaxın günlərdə yol nişanları və təhlükəsizlik sədləri quraşdırılacaq.
Növbəti mərhələdə Akim Abbasov küçəsində salınacaq yeni mikromobillik zolağı dairəvi hərəkəti təmin edəcək. Vaqif prospektindəki zolaqların isə gələcəkdə "Atatürk" parkındakı velosiped zolağı ilə əlaqələndirilməsi planlaşdırılır.
Şəhər konsepsiyası çərçivəsində mikromobillik zolaqları şəbəkəsi genişləndiriləcək. Məqsəd yaxın məsafələrə səfərlərdə mikromobillik vasitələrini əsas nəqliyyat vasitəsinə çevirməkdir.
