Mayın 13-də Bakının Xəzər rayonunun bəzi ərazilərində elektrik enerjisinin verilişində fasilə olacaq.
“Azərişıq” ASC-dən verilən məlumata görə, bu, Xəzər RETSİ ərazisində aparılacaq yenidənqurma işləri ilə bağlıdır.
Saat 11:00-dan 15:00-dək Binə qəsəbəsinin “Südçülük sovxozu” yaşayış massivi, həmçinin Xəqani və Lələtəpə küçələrinin bir hissəsi elektriksiz qalacaq.
Qeyd edək ki, yenidənqurma işləri başa çatdıqdan sonra həmin ərazilər daha keyfiyyətli elektrik enerjisi ilə təmin olunacaq.
