Baku TV Əmircan kəndinin zəngin tarixini işıqlandıran yeni video hazırlayıb. Əvvəlki adı Xilə olan bu kənd, görkəmli şəxsiyyətləri ilə tanınır.
Azərbaycanın məşhur şairi Tofiq Bayram və Xalq rəssamı Səttar Bəhlulzadə məhz burada doğulublar. Onlar vəsiyyətlərinə uyğun olaraq kənd qəbiristanlığında dəfn ediliblər.
Sakinlər deyir: "Səttar Bəhlulzadə ilə Tofiq Bayram yaxın dost idilər. Birlikdə məclislərə qatılır, qonaqlara Xilə qutabı təqdim edirdilər."
Kəndin adı XIV əsrdə dəyişdirilib. "Əmir Fəxrəddin adlı seyid Həcc ziyarətçilərinin əmiri olub. Vəfatından sonra kəndə onun şərəfinə Əmircan adı verilib", - deyə sakinlər bildiriblər.
