Bakı şəhərinin 64 yaşayış məntəqəsində mərkəzləşdirilmiş kanalizasiya sistemi qurulacaq. Həmçinin, yağış sularının idarə olunması üçün 30 əsas küçə və prospektdə yeni kollektorlar inşa ediləcək.
Azərbaycan Dövlət Su Ehtiyatları Agentliyinin sədr müavini İlham Bayramov APA-ya müsahibəsində bildirib ki, dövlət proqramı çərçivəsində su mənbələri optimallaşdırılacaq. Bununla Bakı və Abşeron yarımadasında su təchizatı 8.2 kubmetr/saniyə artırılacaq.
Plan üzrə sayğaclaşma səviyyəsi 100%-ə çatdırılacaq, su itkiləri isə 20%-ə endiriləcək.
