Baku TV-nin "Kəndinə qayıt" verilişi Qəbələ rayonunun Tikanlı kəndinə səfər edib.
Rayon mərkəzindən 11 km aralıda, 2000 nəfərlik bu dağətəyi kənddə əhali əsasən kənd təsərrüfatı ilə məşğuldur: alma, armud, fındıq bağları, tərəvəzçilik və heyvandarlıq.
Kənd sakini Dursun Bayramov bildirib ki, Tikanlı ədəbiyyatda da iz qoyub. İsmayıl bəy Qutqaşınlının "Rəşid bəy və Səadət xanım" əsərində Rəşid bəy sevgilisini bu kəndə gətirib gizlədib.
Verilişdə sosial problemlər də işıqlandırılıb. Kənd sakini Gülgəz Cabbarova deyib ki, məscid olmadığından insanlar çay kənarında namaz qılır. Yol, qaz və körpü kimi infrastruktur problemləri də həllini gözləyir.
