Yay aylarında istirahət edənlərin ən çox üz tutduğu çimərliklərdə tullantı problemi artır. Bəzi sahillərdə məişət tullantıları ətraf mühiti çirkləndirir.
Vətəndaşlar deyir ki, bəzi insanlar istirahətdən sonra zibillərini yığışdırmır. "Gəlirik, yeyirik, içirik, amma çoxları tullantılarını qoyub gedir", - deyə şikayət edirlər.
Ekoloq Sadiq Həsənov bildirir ki, plastik və digər tullantılar dəniz canlılarına və insan sağlamlığına zərər verir. Monitorinq xidməti çirklənmə səviyyəsini ölçür.
Sabunçu Rayon Kommunal Təsərrüfatı İdarəsindən bildirilib ki, Bilgəh qəsəbəsindəki "Daçnik" çimərliyində sakinlər tullantıları sahildə qoyub gedir. İşçi qrupları sanitar vəziyyəti nəzarətdə saxlayır.
