Son illərdə Azərbaycanda Çin avtomobillərinə maraq artsa da, satış sonrası xidmət ciddi problemə çevrilib. Fərdi qaydada gətirilən maşınlar rəsmi servislərdə təmir olunmur.
Ekspert Eldəniz Cəfərov bildirir ki, Çindən fərdi idxal olunan avtomobillər Avropa standartlarına uyğun deyil. Rəsmi dilerlər isə Avropa spesifikasiyalı maşınlar satır.
Nəticədə ehtiyat hissələri və texniki təchizat uyğunsuzluğu yaranır. Servis mərkəzləri məsuliyyət daşıdığı üçün qeyri-rəsmi avtomobillərə xidmət göstərmir.
Azad İstehlakçılar Birliyinin sədri Eyyub Hüseynov isə bu vəziyyəti istehlakçı hüquqlarının pozulması kimi qiymətləndirir və bazarda xaos olduğunu deyir.
O, işlənmiş avtomobil alarkən servis kitabçasının tələb olunmasını tövsiyə edir. Saxta detallar bazarı daha da çətinləşdirir.
