Sosial şəbəkələrdə yayılan görüntülərlə, "№1 Çörək Zavodu"nun paketlənmiş şirniyyatı istehsal tarixindən bir neçə gün sonra kiflənib. İstifadə müddəti bitməsə də, məhsul yararsız hala düşüb.
Qida eksperti Seymur Qafarov bildirib ki, problem məhsulun tam soyudulmadan qablaşdırılmasıdır. Qablaşdırma daxilində yaranan rütubət kif göbələkləri üçün əlverişli mühit yaradır.
Mütəxəssislər məhsulun qablaşdırmadan əvvəl tam soyudulması, daşınma zamanı temperatur rejiminin qorunması və qablaşdırmada hava dövranını təmin edən deşiklərdən istifadə olunmasının vacib olduğunu vurğulayır.
