Rusiyalı qastroenteroloq Andrey Simakov, detoks damcılarının sağlam insanlar üçün faydasız və hətta zərərli ola biləcəyini bildirib. O, lenta.ru-ya açıqlamasında bu prosedurların ciddi risklər yaratdığını vurğulayıb.
Simakov deyir: "Orqanizmi təmizləmək adı altında satılan damcıların ən böyük təhlükəsi - boş yerə xərclənən pullardır. Bu, sırf marketinq vədidir. İnsan orqanizmi detoks funksiyasını daim özü həyata keçirir, çünki böyrəklər və qaraciyər fasiləsiz işləyir."
Mütəxəssis, bu prosedurların yalançı yaxşılaşma hissi yaratdığını və lazımsız tibbi xidmətlərə pul xərcləməyə sövq etdiyini bildirib. Xüsusilə aclıq və sərt pəhrizlərlə birləşdirilən detoks proqramları risklidir. Çəki azalması su itkisi hesabına baş verir, real sağlamlaşma deyil. Yaşlılar və uşaqlar üçün əzələ itkisi və qida çatışmazlığı riski daha yüksəkdir.
