Dövlət İmtahan Mərkəzi (DİM) Apellyasiya Komissiyasının qərarı ilə 1394 şagirdin 1690 yazı işinə düzəliş edilib.
9 mart və 15 mart 2026-cı il tarixlərində keçirilmiş buraxılış imtahanlarının nəticələri ilə bağlı ümumilikdə 7487 şagird 19895 yazı işinin qiymətləndirilməsi üçün müraciət edib.
Müraciətlərin 186-sı boş vərəqlərə, 356-sı isə tam balla qiymətləndirilmiş işlərə aid olub. Bütün müraciətlər araşdırılıb, haqlı iradlar nəzərə alınıb.
Düzəlişlərin 508-i cavabların səhv yerə yazılması (yerdəyişmə), qalanları isə qiymətləndirmə xətaları ilə bağlıdır. Yekun ballar 25-26 may tarixlərində şagirdlərin şəxsi kabinetlərində əks olunacaq.
İmtahanlarda ümumilikdə 115 mindən çox şagird iştirak edib və 2,7 milyondan çox yazı işi yerinə yetirilib.
