Respublika Endokrinoloji Mərkəzinin yeni direktoru Dinar İlqar qızı Qəhrəmanova təyin edilib.
TƏBİB-dən verilən məlumata görə, o, uzun illər tibb sahəsində çalışıb və beynəlxalq təcrübəyə malikdir.
D.Qəhrəmanova 2007-ci ildə Odlar Yurdu Universitetini bitirib, 2008-ci ildə internaturanı tamamlayıb. 2023-cü ildə sertifikasiya imtahanından keçib.
2014-2024-cü illərdə Sabunçu Tibb Mərkəzində həkim işləyib, həmçinin Ə.Əliyev adına ADHTİ-nin Ailə təbabəti kafedrasında assistent olub. 2024-cü ildən Poliklinika şöbəsinin müdiri vəzifəsində çalışıb.
O, ÜST və Qətər, İspaniya, Sloveniyada keçirilən beynəlxalq tədbirlərdə iştirak edib.
