İyunun 8-də Dini Qurumlarla İş üzrə Dövlət Komitəsi İslam ibadət yerlərində vakant vəzifələr üçün müsahibə mərhələsinə start verəcək.
Müsahibənin ilk mərhələsi 8-9 iyunda qadın dini ayin icraçıları üçün, ikinci mərhələ isə 10-19 iyunda imam, imam müavini və müəzzin vakansiyaları üçün keçiriləcək.
26 yanvar - 25 fevral 2026-cı il tarixlərində 62 vakant vəzifəyə 230 nəfər müraciət edib. Onlardan 64-ü qadındır.
Müsahibələr Azərbaycan İlahiyyat İnstitutunda təşkil olunacaq. Nəticələr hər gün scara.gov.az saytında yerləşdiriləcək.
Uğurlu namizədlər yalnız müraciət etdikləri vəzifəyə təyin ediləcəklər.
