29 iyun 2026-cı il saat 11:00-dan etibarən dövlət məktəblərində direktor vəzifəsi üçün elektron sənəd qəbulu başlayır.
Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb.
Namizədlər 6 iyul 2026-cı il saat 17:00-dək miq.edu.az/direktor linki ilə qeydiyyatdan keçə bilər.
Proses mərkəzləşdirilmiş qaydada müsabiqə yolu ilə aparılır. Müsabiqə seçim və müsahibə mərhələsindən ibarətdir.
Seçim mərhələsində sənədlərin düzgünlüyü yoxlanılır. Uğurlu namizədlər müsahibəyə dəvət olunur.
Müsahibədə liderlik, strateji idarəetmə, pedaqoji və rəqəmsal bacarıqlar qiymətləndirilir.
Nəticələr "Şəxsi səhifə" vasitəsilə açıqlanacaq.
Uğur qazananlarla əmək müqaviləsi imzalanacaq.
