Tanınmış bəstəkar, Xalq artisti Eldar Mansurov Mərdəkan qəsəbəsindəki gimnaziyada şagirdlərlə görüşüb. O, uşaqlıq xatirələrini bölüşərək deyib: "Biz küçədə futbol oynayırdıq, indi uşaqların yeri yoxdur."
Mansurov musiqiyə sevgisindən danışıb: "Atam məni Opera Teatrına aparardı, orada muğam dinləyirdim." O, klassik musiqiyə üstünlük verdiyini vurğulayıb.
Bəstəkar deyib: "Mənə dedilər ki, əvvəlcə mahnı yaz, sonra ciddi musiqilərinə baxarıq. Mən küsdüm." Lakin sonra mahnı yazmağa başlayıb və uğur qazanıb.
O, indi simfonik musiqi yazdığını və xaricdə konsertlər verdiyini bildirib. Mansurov gənclərə klassik musiqiyə qulaq asmağı tövsiyə edib.
