Mayın 26-da Dövlət Təhlükəsizliyi Xidmətinin (DTX) rəisi general-polkovnik Əli Nağıyev Rusiyanın İrkutsk vilayətində keçirilən MDB üzv dövlətlərin təhlükəsizlik orqanları rəhbərləri Şurasının 58-ci iclasında iştirak edib.
İclasda regional təhlükəsizliyin gücləndirilməsi ilə bağlı mühüm qərarlar qəbul edilib. Ötən illərin antiterror tədbirlərinin nəticələri təhlil edilib və yeni addımlar müəyyənləşib.
Şura üzvləri transmilli terrorçuluq və dini radikalizmə qarşı birgə mübarizədə yeni əməkdaşlıq formatları barədə razılığa gəliblər. Həmçinin təhlükəsizlik orqanlarında süni intellektdən istifadəyə dair konseptual sənəd qəbul edilib.
Əli Nağıyev çıxışında beynəlxalq sabitliyə təhdidlər, nəqliyyat təhlükəsizliyi, terrorçuluğun yeni təzahürləri və Azərbaycanda görülən işlər barədə məlumat verib. O, məlumat mübadiləsi və qarşılıqlı əlaqənin vacibliyini vurğulayıb.
İclasda təhlükəsizlik sahəsində çoxtərəfli əməkdaşlığı gücləndirən sənədlər imzalanıb.
