Xalq artisti Emin Ağalarov Bakıda keçirilən Ümumdünya Şəhərsalma Forumu WUF13 çərçivəsində "Sea Breeze" layihəsinə maraqdan danışıb.
O bildirib ki, "Sea Breeze" stendi ən çox ziyarət edilən stendlərdən olub.
Layihə rəhbəri qeyd edib: ""Sea Breeze" milyon kvadratmetr ərazini əhatə edən böyük layihədir. Tikintilərin sayı artır, layihə böyüyür."
Emin Ağalarov forumun ölkə üçün əhəmiyyətini vurğulayıb: "Bu, COP29-dan sonra ikinci böyük beynəlxalq tədbirdir. Prezident çıxışında layihəmizi qeyd etdi və hər kəsə tövsiyə etdi."
O, liderlərin və xarici qonaqların "Sea Breeze"ə səfərlərini planlaşdırdığını açıqlayıb: "Bir çox liderlər bu həftə səfərlərini planlaşdırır. Biz onları qəbul edəcək, təcrübəmizi bölüşəcəyik."
