Fövqəladə Hallar Nazirliyi (FHN) ölkənin bəzi rayonlarında qeyri-sabit hava şəraiti ilə bağlı əhaliyə müraciət edib.
Nazirlikdən bildirilib ki, hazırda ayrı-ayrı rayonlarda yağıntılı hava müşahidə olunur, bəzi dağ çaylarından sel keçir. Yaxın günlərdə də havanın yağıntılı və küləkli qalacağı gözlənilir.
FHN təhlükəsizlik qaydalarını xatırladır:
Sel və daşqından qorunmaq üçün: sel təhlükəli ərazilərdən uzaq durun, təhlükə yaranarsa dərhal yüksək yerə qalxın.
İldırımdan qorunmaq üçün: elektrik cihazlarını söndürün, telefonla danışmayın, yüksək obyektlərdən uzaq durun, hündür ağac altında gizlənməyin, avtomobildəsinizsə dayanıb şüşələri qaldırın.
Güclü küləkdən qorunmaq üçün: müvəqqəti tikililərdən, binalardan, reklam lövhələrindən uzaq durun, elektrik dirəyi altında dayanmayın.
Yanğın təhlükəsizliyi qaydalarına ciddi riayət edin, kiçik gəmi istifadəçiləri dənizə çıxmasın.
Qaydalara biganəlik həyatınıza təhlükədir! Təhlükə zamanı 112-yə zəng edin.
