Gəncədə uzun müddətdir qəzalı vəziyyətdə olan yataqxanaların sakinləri yeni tikilmiş binalara köçürülür. Lakin bəzi sakinlər bu prosesdən narazıdır.
Bakı TV-nin qaynar xəttinə müraciət edən Aygün Yusifova bildirib ki, iki otağın əvəzinə ona bir otaqlı mənzil verilib. “Altı nəfər bir otaqda necə yaşayaq? İyunun 15-nə kimi yataqxananı tərk etməliyik. Gedəcək yerim yoxdur”, – deyə o qeyd edib.
Gəncə Şəhər İcra Hakimiyyətindən açıqlanıb ki, Üzeyir Hacıbəyli küçəsindəki qəzalı yataqxanada yalnız qanuni istifadə hüququ olan sakinlər yeni binada sosial kirayə ilə təmin olunur. Aygün Yusifovanın isə yaşayış hüququ olmadığı üçün mənzil verilməyib.
