Göyçay rayonunda güclü külək bir sıra fəsadlara səbəb olub.
Külək rayonun müxtəlif ərazilərində iri və xırdagövdəli ağacların aşmasına yol açıb.
Nizami küçəsində çinar ağacı Mahir Mirzəliyevə məxsus "Mercedes" markalı avtomobilin üzərinə aşıb. Xəsarət alan olmayıb.
Hadisə yerinə yol polisi və Göyçay Şəhər Təsərrüfatı Birliyinin əməkdaşları cəlb olunub. Xüsusi texnikalarla aşmış ağac hissələrə bölünərək ərazidən götürülüb.
Üzeyir Hacıbəyov küçəsində isə irigövdəli ağac fərdi yaşayış evinin hasarının üzərinə aşaraq onu uçurub.
Güclü külək bir neçə ərazidə elektrik xətlərinə də ziyan vurub.
Aidiyyəti qurumlar təhlükəsizlik tədbirləri görür, aşmış ağacların yollardan götürülməsi işləri davam edir.
