Bu il də avtomobil festivalına maraq böyükdür. Teleaparıcı Hacı Nuran Hüseynov Oxu.Az-a açıqlamasında bildirib ki, maşınını nümayiş etdirmək istəyən hər kəs festivala qoşulub.
Gördüyünüz kimi, bura nəinki Bakıdan, hətta regionlardan da avtomobillər gətirilib.
Hacı Nuran Avtomobil Federasiyasına və Heydər Əliyev Fonduna minnətdarlığını bildirib: "Xeyirli və uğurlu olsun, belə festivalların davamlılığını arzu edirəm".
Qeyd edək ki, iyunun 6-da Bakıda "Classics & Supercars" festivalı başlayıb. İki gün davam edəcək tədbir Azərbaycan Avtomobil Federasiyası (AAF) və "Nazar Holdings"in birgə təşkilatçılığı ilə Dənizkənarı Milli Parkın ərazisində keçirilir.
İki gün ərzində Bakı bulvarında klassik avtomobillər, superkarlar və idman avtomobilləri nümayiş olunacaq.
