Sabunçu Tibb Mərkəzinin direktoru vəzifəsinə Cavid Nazim oğlu Paşayev təyin edilib. Bu barədə TƏBİB məlumat yayıb.
C.Paşayev 2007-ci ildə Azərbaycan Tibb Universitetini bitirib. 2007-2008-ci illərdə Kliniki Tibbi Mərkəzdə anesteziologiya-reanimasiya ixtisası üzrə internatura keçib. 2022-2025-ci illərdə Prezident yanında Dövlət İdarəçilik Akademiyasında təhsil alıb.
O, müxtəlif tibb müəssisələrində həkim-anestezioloq, şöbə müdiri, baş həkim müavini və direktor vəzifələrində çalışıb. Son olaraq "Elit-Central" Hospitalın baş həkimi olub.
C.Paşayev Vətən müharibəsi zamanı xidmətə görə fəxri fərman, COVID-19 pandemiyası dövründə "Səhiyyə əlaçısı" döş nişanı ilə təltif edilib. 20 elmi məqalənin müəllifidir.
Qeyd edək ki, onun qardaşı Elvin Paşayev Qax Rayon İcra Hakimiyyətinin başçısıdır.
