Bu il həcc ziyarətinə gedən azərbaycanlı zəvvarların ilk qrupu artıq Bakıya yola düşüb.
Qrup rəhbəri Səid İsrafilov Oxu.Az-a bildirib ki, zəvvarlar həcc əməllərini tam yerinə yetirib və vida təvafını başa vurublar.
Onlar avtobuslarla Ciddə Hava Limanına çatdırılıb. Yerli vaxtla saat 11:50-də (Bakı vaxtı ilə 12:50) təyyarə Bakıya havaya qalxıb. Günün sonunda paytaxta eniş gözlənilir.
Qeyd edək ki, bu il həcc kvotası 1150 yer olub, paket qiyməti isə 6100 ABŞ dolları təşkil edib.
