"İpək yolu" rallisi Bakıya çatıb. Təşkilatçı Nadir Serin bildirib ki, bir illik hazırlıqdan sonra tədbir baş tutub.
Ralli iştirakçıları 19 ölkədən keçərək Azərbaycana gəlib. Nadir Serin deyib: "Avropadan Türkiyəyə gəlmək asan idi, lakin Türkiyədən sonra çətinliklər artdı. Sərhəd keçidləri və pandemiya məhdudiyyətləri böyük maneə idi. Azərbaycan hökuməti xüsusi icazə verdi".
Rallidə Almaniya, Avstriya, İtaliya, Türkiyə və İngiltərədən 10 avtomobil və 18 iştirakçı var. İştirakçılardan Gülay Karakimseliler Bakını çox bəyəndiklərini, ancaq sabah ayrılacaqlarını söyləyib.
