Azərbaycanda istehsalatda bədbəxt hadisələr və peşə xəstəlikləri nəticəsində əmək qabiliyyətinin itirilməsi dərəcəsinin qiymətləndirilməsində tamamilə yeni mexanizm tətbiq olunacaq.
Nazirlər Kabinetinin qərarı ilə təsdiqlənən yeni Qayda beynəlxalq təcrübəyə əsaslanır və rəqəmsal həllərlə şəffaflığı artırır.
Əvvəlki sistemdə dəqiq meyarlar yox idi, indi isə proses elektron sistemlər üzərindən idarə olunacaq. Yeni yanaşma ilə eyni xəsarətə görə fərqli peşə sahiblərinə fərqli itki faizi təyin ediləcək.
Qiymətləndirmədə dörd əsas meyar: orqanizmin funksiya pozulması faizi, peşənin ağırlığı, pozulmanın peşədə təzahürü və yaş nəzərə alınır.
Müraciət ƏMAS və ya e-sosial portalından ediləcək. Qiymətləndirmə 10 iş günü ərzində aparılacaq.
