22 iyun - 2 iyul tarixlərində Bootid meteor yağışı müşahidə ediləcək. Maksimum 27 iyun saat 21:00-da Bakı vaxtı ilə olacaq.
BDU Astrofizika kafedrasından bildirilib ki, radiant Çoban bürcündədir. Bakıdan gecə boyu görünəcək.
Mənbə 7P/Pons-Winnecke kometasıdır. Kometa 1819-cu ildə kəşf edilib, Günəş ətrafında 6.37 ilə dövr edir.
Meteorlar 18 km/san sürətlə hərəkət edir, yavaş və uzun iz buraxır. Adi illərdə saatda 1-5 meteor görünür. Lakin 1916-cı ildə yüzlərlə, 1998-də 50-100, 2004-də 20-50 meteor qeydə alınıb.
2026-cı ildə zəif fəallıq gözlənilir. Tam Ay işığı zəif meteorları çətinləşdirəcək.
