Respublika Fənn Müsabiqələrinin final mərhələsinə keçid balları açıqlandıqdan sonra ARTİ-yə çoxsaylı müraciətlər daxil olub.
ARTİ-dən bildirilib ki, fənn müsabiqələri müxtəlif fənlər üzrə təşkil olunduğundan, iştirakçı sayı, tapşırıqların xüsusiyyətləri və statistik göstəricilər fərqlənir.
Bu səbəbdən keçid balları da fənlər üzrə eyni olmaya bilər. Ballar müəyyən edilərkən iştirakçı sayı, nəticələrin təhlili, tapşırıqların çətinliyi və final üçün nəzərdə tutulan iştirakçı sayı nəzərə alınır.
Bu yanaşma beynəlxalq təcrübəyə uyğundur və məqsəd ən yüksək nəticə göstərənləri seçməkdir.
Qeyd edilib ki, keçid ballarının fərqli olması ayrı-seçkilik deyil, qiymətləndirmə mexanizminin təbii göstəricisidir.
