Dövlət Şəhərsalma və Arxitektura Komitəsinin əməkdaşı Ramil Cahangirov bildirib ki, Kəlbəcərdə Alp üslubu tətbiq olunub.
O, vurğulayıb ki, dağıdılmış ərazilərin planlaşdırılması zamanı əsas məqsəd şəhərləri düzgün qurmaq olub. Hər bir şəhərə fərdi yanaşma tətbiq edilib.
Zəngilan, Qubadlı və Kəlbəcərdə fərqli memarlıq üslubları seçilib. Kəlbəcər üçün Alp üslubu ən uyğun variant kimi qəbul edilib.
Ramil Cahangirov qeyd edib ki, ilk layihələr dövlət tərəfindən icra olunsa da, özəl sektor da prosesə cəlb olunub. Bu, şəhər imicinin düzgün formalaşmasına kömək edir.
