Kəlbəcərin ilk məzunu olmaq Nəzrin Atakişiyeva üçün böyük qürur və məsuliyyətdir. O, Kəlbəcər şəhər Bəhmən Cəfərov adına 1 nömrəli tam orta məktəbin yeganə məzunudur.
Nəzrin sinfin tək şagirdi olsa da, özünü heç vaxt tək hiss etməyib. O, müəllimlərin və məktəb kollektivinin böyük sevgisi ilə əhatə olunub.
O, bu gün Kəlbəcərin dirçəlişini və gələcəyinə inamı təmsil etdiyini vurğulayıb. Nəzrin deyir: "Mən çox şanslıyam ki, Kəlbəcərin ilk məzunu kimi yaddaşlarda qalacağam. Məktəbdə keçirdiyim bu bir il mənə doğma yurdumda oxumağın dəyərini və Vətən sevgisinin əsl mənasını yaşatdı."
Sabah azad Kəlbəcərdə ilk dəfə "Son zəng" tədbiri keçiriləcək.
