Şəki rayonunun Aşağı Şabalıd kənd sakinləri Baku TV-nin qaynar xəttinə müraciət edərək kənddəki qazsızlıq problemindən şikayətləniblər.
500-dən çox sakinin yaşadığı bu kənddə indiyədək təbii qaz yoxdur. Sakinlər odun tədarükünün həm fiziki, həm də maddi baxımdan çətin olduğunu deyirlər.
Bir sakin: "Odun daşımaqdan yorulmuşuq, can veririk. İki oğlum qaz və yol olmadığına görə kəndi tərk edib" – deyə bildirib.
Digər bir sakin isə qışda odun üçün 1500-2000 manat xərclədiyini, hər ay qaz balonuna 27-30 manat ödədiyini qeyd edib.
"Azəriqaz" İstehsalat Birliyindən bildirilib ki, qazlaşma proqramı maliyyə imkanları çərçivəsində mərhələli həyata keçirilir və Aşağı Şabalıd kəndində küçə qaz xətlərinin çəkilişi növbəti mərhələlərdə nəzərdən keçirilə bilər.
