YAP Nərimanov rayon təşkilatı və KOBİA-nın ərazi partiya təşkilatının birgə təşkilatçılığı ilə "Bakı KOB evi"ndə 15 iyun - Milli Qurtuluş Gününə həsr olunmuş tədbir keçirilib.
Əvvəlcə nümayəndələr ulu öndərin büstü önünə gül dəstələri qoyublar.
Tədbir dövlət himni və şəhidlərin xatirəsinin bir dəqiqəlik sükutla yad edilməsi ilə başlayıb.
KOBİA sədri Orxan Məmmədov və YAP sədri Elçin Quliyev çıxış edərək Heydər Əliyevin ölkə inkişafındakı rolunu vurğulayıblar. Qeyd olunub ki, 15 iyun 1993-cü ildə xalqın tələbi ilə hakimiyyətə qayıdan Heydər Əliyev Azərbaycanı xaosdan xilas edib.
Həmçinin bildirilib ki, Prezident İlham Əliyev onun strategiyasını uğurla davam etdirir.
Tədbir çərçivəsində yeni üzvlərə partiya vəsiqələri, fəal əməkdaşlara isə təşəkkürnamələr təqdim olunub.
