Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamenti Bakı və Qəbələdəki keçmiş məcburi köçkün qəsəbələrində binaların dam örtüklərini təmir etdirəcək.
Uzun müddət istifadə nəticəsində yararsız hala düşən dam örtükləri və konstruksiyalar yenilənəcək. Layihənin dəyəri 1 milyon 400 min manatdır.
Təmir işləri binaların təhlükəsizliyini artırmaq, yağış və qar sularının mənzillərə sızmasının qarşısını almaq və məcburi köçkün ailələrinin yaşayış şəraitini yaxşılaşdırmaq məqsədi daşıyır.
