"Təmiz Şəhər" ASC-nin nəqliyyat vasitələrinin utilizasiyası şöbəsinin müdiri Mirzə Laçınov jurnalistlərə açıqlamasında bildirib ki, ölkədə hər beş avtomobildən biri ekoloji və təhlükəsizlik standartlarına cavab vermir.
O qeyd edib ki, utilizator fəaliyyəti üzrə tələblərə cavab verən dörd qurum (Bakı, Abşeron, Sumqayıt, Gəncə) reyestrdə qeydiyyata alınıb və istismar müddəti bitən nəqliyyat vasitələrinin qəbuluna başlanıb.
"2019-2023-cü illər üçün Yol Hərəkəti Təhlükəsizliyi Dövlət Proqramı"na əsasən, utilizasiya proqramı hazırlanıb və 10-dan çox qanunvericilik aktına dəyişiklik edilib. Həmçinin, "Tullantılar haqqında" qanuna uyğun olaraq utilizatorların reyestrdə qeydiyyatı təmin edilib.
Prosesi asanlaşdırmaq üçün elektron portal istifadəyə verilib.
