Beyləqan Rayon Mərkəzi Xəstəxanasına yeni direktor təyin edilib. Bu vəzifəyə Leylan Nəsirova gətirilib.
Daha əvvəl həmin xəstəxanada baş həkim vəzifəsində çalışan Nəsirova, sonra Tibbi-Sosial Ekspertiza Komitəsinin (TSEK) regional müdiri olub. Yeni əmrlə o, yenidən Beyləqan Xəstəxanasına direktor təyin olunub.
İxtisasca həkim-nevroloq olan yeni direktorun anası Roza Aslanova da eyni xəstəxanada pediatr kimi çalışır.
Qeyd edək ki, əvvəlki direktor Bayram Muradov, direktor müavini Elnur Mahmudov və insan resursları müdiri Mətanət Qarayeva istefa veriblər.
