Kənd təsərrüfatı naziri Məcnun Məmmədov Macarıstanın MATE Universitetinin Azərbaycanda filial açmaqda maraqlı olduğunu açıqlayıb.
Nazir bildirib ki, ikili diplom proqramlarının genişləndirilməsi nəzərdə tutulur. Oklahoma Universiteti, Türkiyə universitetləri və Azərbaycan ali təhsil müəssisələri arasında əməkdaşlıq genişləndirilir.
Bu, aqrar sahədə beynəlxalq standartlara uyğun kadr hazırlığına töhfə verəcək.
Məcnun Məmmədov Milli Məclisin Aqrar siyasət komitəsində keçirilən ictimai dinləmədə çıxış edib.
O qeyd edib ki, Aqrar Universitetin nəzdində Aqrar Kollec fəaliyyətə başlayıb və aqrar sahə üzrə kadr hazırlığında mühüm rol oynayacaq.
Nazir vurğulayıb ki, heyvandarlıq sahəsində ixtisaslaşmış mütəxəssislərə ciddi ehtiyac var. Mövcud mütəxəssislərin bir hissəsi yüksək yaş qrupuna aiddir.
Son illərdə aqrar təhsilə marağın artması müşahidə olunsa da, maarifləndirmə işləri davam etdirilir.
