Bakı TV-nin çəkiliş qrupu yenidən Abşeron rayonunun Məmmədli qəsəbəsinə baş çəkib. Ötən günlərdə gölün səviyyəsinin qalxması nəticəsində fərdi evlər və küçələr su altında qalmışdı.
Vəziyyət hələ də dəyişməyib. Sakinlər çarəsiz vəziyyətdədir.
"Həkimə gedə bilmirəm. Çox pis vəziyyətdəyik, dözülməz şəraitdə yaşayırıq", - deyə bir sakin bildirib.
"Qurbağaların, ilanların əlindən evimizdən çölə çıxa bilmirik. Heç kim maraqlanmır, şikayətlərimizə baxan yoxdur", - deyə digər sakin qeyd edib.
Sakinlər problemin qısa müddətdə həllini və aidiyyəti qurumların müdaxiləsini tələb edir.
