Ev heyvanları bir çox insanın gündəlik həyatının ayrılmaz hissəsinə çevrilib.
Oxu.Az-ın "Qanun nə deyir?" rubrikasının bugünkü mövzusu mənzildə ev heyvanlarının saxlanılması ilə bağlıdır.
Nazirlər Kabineti tərəfindən təsdiq olunmuş qaydalara əsasən, çoxmərtəbəli binaların mənzillərində hər ailəyə bir it və iki pişik saxlamağa icazə verilir. Qonşulara narahatlıq yaratmamaq şərtdir.
Baytarlıq və sanitariya nəzarəti orqanlarının razılığı ilə "canlı təbiət" guşələrində, uşaq müəssisələrində, istirahət ocaqlarında heyvan saxlamaq olar.
Şəhərlərdə çəpərlənmiş ərazilərdə itlərin sərbəst gəzintisi təşkil edilə bilər. Təşkilatlarda gözətçi itlər xüsusi yerlərdə saxlanmalıdır.
İri cins itlərin sahibləri qapılara "Təhlükəlidir" lövhəsi vurmalıdır.
