Məsim Məmmədov: "Azərbaycan tədricən müasir və davamlı inkişaf edən bir ölkəyə çevrilir".
Bunu Laçın rayonunda Prezidentin xüsusi nümayəndəsi Məsim Məmmədov BMT-nin Şəhərsalma Forumunda (WUF13) deyib.
O qeyd edib ki, işğal altında olmuş ərazilərdə qanunsuz iqtisadi fəaliyyətlər inkişafa mənfi təsir göstərib. Lakin son 30 ildə Azərbaycan mədəni irsini qoruyub.
İnsanların evlərinə qayıtması həm humanitar, həm də iqtisadi və sosial inkişafın vacib hissəsidir. Post-münaqişə ərazilərində yenidənqurma və bərpa işləri aparılır.
Genişmiqyaslı infrastruktur layihələri həyata keçirilir. Yeni yaşayış məntəqələri salınır, məktəb və xəstəxanalar tikilir.
"Ən vacib məqam odur ki, bu proses yalnız tikinti deyil, həm də qayıdış və yenidən bağların qurulmasıdır", - deyə Məsim Məmmədov vurğulayıb.
