İyunun 5-i Azərbaycan şairi Mikayıl Müşfiqin doğum günüdür.
Mikayıl Əbdülqadir oğlu İsmayılzadə 1908-ci ildə Bakıda ziyalı ailəsində anadan olub.
Atası Mirzə Əbdülqadir İsmayılzadə dövrünün tanınmış ziyalılarından idi.
Müşfiq valideynlərini erkən itirib və qohumlarının himayəsində böyüyüb.
İbtidai təhsilini rus-tatar məktəbində alıb.
Sovet hakimiyyəti qurulduqdan sonra Bakı darülmüəllimində və 12 saylı məktəbdə oxuyub.
Azərbaycan Dövlət Darülfünunun Dil və ədəbiyyat fakültəsini bitirib.
Əmək fəaliyyətinə pedaqoq kimi başlayıb, son iş yeri 18 saylı orta məktəb olub.
1926-cı ildə "Gənc işçi" qəzetində "Bir gün" şeiri ilə çap olunub.
1931-ci ildə Dilbər Axundzadə ilə evlənib.
Repressiya qurbanı olub, 1938-ci il yanvarın 6-da güllələnib.
1968-ci ildə Dilbər Axundzadənin "Müşfiqli günlərim" xatirələr kitabı nəşr olunub.
Bakıda büstü qoyulub, qəsəbəyə, məktəbə, küçəyə adı verilib.
2018-ci ildə Prezident İlham Əliyev 110 illik yubileyi ilə bağlı sərəncam imzalayıb.
