Azərbaycanda sürücülük vəsiqəsi almaq üçün 18 yaş tamamlanmalı, sürücülük məktəbində təlim keçilməli, imtahan verilməli və sağlamlıq arayışı təqdim edilməlidir.
Bəs bu vəsiqənin müddətsiz verilməsi mümkündürmü? Ekspertlər bunun sağlamlıq vəziyyətindən asılı olduğunu deyir.
Nəqliyyat eksperti Eldəniz Cəfərov: "Sürücülük hüququnda əsas meyar yaş deyil, sağlamlıqdır. 70 yaşdan yuxarı sürücülər hər iki ildən bir tibbi müayinədən keçməlidir."
Ekspert Elməddin Muradlı isə vurğulayır: "Görmə, psixoloji və fiziki vəziyyəti uyğun olanların hüququ məhdudlaşdırılmamalıdır."
