23-26 may tarixlərində keçirilən müəllim iş yeri dəyişdirmə müsabiqəsinin vakansiya seçimi nəticələri iştirakçıların şəxsi səhifələrinə göndərilib. Müəllimlər şəxsi kabinetlərinə daxil olaraq nəticələrlə tanış ola bilərlər.
Məktəbəqədər və Ümumi Təhsil üzrə Dövlət Agentliyinin (MÜTDA) məlumatına görə, elektron yerləşdirmə zamanı 14 şəhid ailəsi üzvü də daxil olmaqla ümumilikdə 2022 müəllim iş yerini dəyişdirmək imkanı qazanıb.
Növbəti mərhələdə uğur qazanan müəllimlərin sənədləri yoxlanılacaq. Yoxlamadan sonra onlar vakant vəzifələrə təyin olunacaqlar.
