Prezident İlham Əliyev tərəfindən təsdiq edilən Dövlət Proqramı çərçivəsində örüş və otlaq sahələrinin effektiv idarəedilməsi sistemi yaradılacaq.
Oxu.Az xəbər verir ki, bu, kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün nəzərdə tutulub.
Proqrama əsasən, örüş sahələrinin münbitliyinin bərpası istiqamətində işlər görüləcək.
Bundan əlavə, torpaqların münbitliyinin qorunması üçün interaktiv nəzarət mexanizmi tətbiq olunacaq.
Torpaqların konsolidasiyası mexanizmi yaradılacaq və pilot layihə kimi tətbiq ediləcək.
Əkin sahələrinin aqrokimyəvi göstəricilər əsasında xəritələşdirilməsi və torpaq analiz sisteminin müasirləşdirilməsi də planlaşdırılır.
