1963-cü ildə anadan olan Conni Depp gəncliyində rok musiqiçisi olmaq arzusunda idi. Lakin Nikolas Keyclə tanışlıq onun taleyini dəyişdi. O, aktyorluğa başladı.
"21-ci küçədə gizli polis" serialı ilə tanınan Depp romantik rollardan uzaqlaşaraq mürəkkəb xarakterlərə yönəldi. Ən böyük şöhrətini kapitan Cek Sərçə obrazı ilə qazandı.
"Qızıl Qlobus" mükafatına layiq görülən Depp "Ginnesin Rekordlar Kitabı"na ən bahalı aktyor kimi düşdü. Üç dəfə "Oskar"a namizəd olsa da, mükafatı ala bilmədi.
Xeyirxah əməlləri ilə tanınan aktyor xəstəxanalardakı uşaqları Cek Sərçə kostyumunda ziyarət edir. Fondlara milyonlarla avro ianə edir.
Şəxsi həyatında Ember Hörd ilə evliliyi qalmaqallı boşanma ilə nəticələndi. 2022-ci ildə məhkəmə Deppin xeyrinə başa çatdı. İndi o, şəxsi həyatını gizli saxlayır.
Son illərdə "Janna Dübarri" filmində kral XV Lüdovik rolunu canlandıran Depp Hollivudun ən sevilən simalarından biri olaraq qalır.
