Jurnalist Bahadur Seyidov mayın 19-da Əhməd Rəcəbli küçəsindəki rəsmi parklanmada "AzParking" tətbiqi ilə ödəniş edib, lakin 2 saat sonra əsassız cərimə alıb. Tətbiqdə heç bir iz qalmayıb.
Seyidov "141" Çağrı Mərkəzinə zəng edəndə cavab belə olub: "Sistemdə görünmürsə, ödəyin". O, artıq hər dəfə ekran görüntüsü alır.
Nəqliyyat eksperti Adil Nəbiyev deyir ki, sistem xətası istehlakçı hüquqlarını pozur. Müstəqil nəzarət mexanizmi qurulmalıdır.
İKT eksperti Elvin Abbasov isə qeyd edir ki, bank və operator sistemləri arasında sinxronizasiya problemi var. Vətəndaş elektron sübut toplamalıdır.
Hüquqşünas Elnur Məmmədova görə, sübut yoxdursa, cərimə ödənilməlidir. Lakin bank çıxarışı varsa, protokol ləğv edilə bilər.
