İsveçdə aparılan genişmiqyaslı araşdırma göstərib ki, evdə pişik saxlamaq allergiyası olan uşaqlarda astmanı ağırlaşdırmır.
Karolinska İnstitutunun alimləri 30 mindən çox uşağı izləyib. Nəticələr göstərib ki, pişik olan və olmayan evlərdə astmanın şiddəti eynidir.
Tədqiqatçılar 2006-2020-ci illərdə doğulmuş 4-17 yaşlı uşaqları 2023-cü ildən izləməyə başlayıb. İki il ərzində xəstəxanaya yerləşdirmə, dərman istifadəsi və ağciyər testləri qeydə alınıb.
İştirakçıların 9,4%-nin evində pişik var idi. Pişikli evlərdə uşaqların 9,6%-də orta/ağır astma, pişiksiz evlərdə isə 10,1%-də rast gəlinib. Kəskinləşmə nisbətləri də oxşar olub (3,3% vs 3,5%).
Alimlər bunu pişik allergeninin hər yerdə olması ilə izah edir - uşaqlar məktəb və nəqliyyatda da təmasda ola bilər. Araşdırmada konkret allergenlər nəzərə alınmayıb.
