Ekologiya və təbii sərvətlər nazirinin müavini Vüqar Kərimov bildirib ki, tədbir görülməzsə, 2060-cı ilə qədər plastik tullantıların həcmi üç dəfə arta bilər.
O, WUF13 çərçivəsində Azərbaycan pavilyonunda keçirilən "Plastik çirklənmə ilə mübarizə" tədbirində çıxış edib.
Dünyada hər il təxminən 430 milyon ton plastik istehsal olunur. Bunun çox hissəsi qısa müddətli istifadədən sonra tullantıya çevrilir. Tullantıların 90%-i yandırılır və ya ətraf mühitə atılır.
Adambaşına düşən plastik tullantılar: Aİ-də 16 kq, dünya üzrə 13 kq, Azərbaycanda 14-15 kq. Son 15 ildə Azərbaycanda plastik qablaşdırma istehlakı 5 dəfə, istehsalı 6.5 dəfə artıb.
Plastik tullantıların təkrar emalı: Aİ-də 95%, Asiya-Sakit Okean bölgəsində 12%, Azərbaycanda 14-15%.
