Paytaxtın Sabunçu rayonu, Ramana qəsəbəsi, 12-ci Mədən, 43 ünvanında yerləşən ikimərtəbəli qəzalı binanın sakinləri köçürülmə üçün 9 aydır gözləyirlər.
Yaşı 100 ildən çox olan binada 12 ailə təhlükə və qorxu içində yaşayır. 9 ailə artıq köçürülüb, digər sakinlər isə hələ də gözləmək məcburiyyətindədir.
Sakinlər kompensasiya məbləğinin az olduğunu düşünsələr də, təklif olunan məbləğlə razılaşıblar. Lakin naməlum səbəblərdən köçürülmə prosesi və ödənişlər tam icra edilmir.
Dövlət Şəhərsalma və Arxitektura Komitəsindən bildirilib ki, kompensasiya ödənişləri mərhələli qaydada həyata keçirilir. İlkin mərhələdə sakinlərin bir qisminə ödənişlər edilib, yaxın zamanda qalanlara da ödəniləcək.
