Bakıda keçirilən Ümumdünya Şəhərsalma Forumunun 13-cü sessiyasında (WUF13) iştirak etməkdən çox məmnun olduğunu bildirən UN-Habitat-ın Qlobal Həllər Bölməsinin direktoru Rafael Tuts, son iki il ərzində bu forumun hazırlanması istiqamətində Azərbaycan hökuməti ilə sıx əməkdaşlıq etdiklərini vurğulayıb.
O, forum çərçivəsində hökumətlər və şəhərlər arasında dayanıqlı şəhərsalma və mənzil siyasəti ilə bağlı geniş fikir mübadiləsi aparılacağını bildirib.
Rafael Tuts gözləntilərini də bölüşüb: "Şəhərsalma və mənzil təminatının daha əlçatan, daha adekvat və daha dayanıqlı olması üçün praktik nümunələrin təqdim edilməsidir."
